歌迷熱情太感動    梅艷芳洒淚舞台上

由於阿梅捨不得樂迷的熱情，昨夜在「獻上我真」音樂會上忍不住落淚，不過她表示絕不會改變淡出舞台的決定，至於跳槽一事，她的大前提是自己大控制，小限制，但現尚未有明確動向。

昨日阿梅在綵排時透露今次瘦了大約十磅回來，她笑謂單是同行的那五個馬騮仔已甚花氣力。「剩係譚耀文已經激氣，佢成日跌o野，我成日幫佢執o野。一次佢跌o左個護照，我同佢執番，有日佢背住個背囊行街，安仔靜靜雞從佢個背囊偷o左本護照出o黎佢都唔知道......」

問阿梅今次有沒有在外國撞到o的古靈精怪o既o野，事關佢向來易觸異物。

「冇喎，我其實係好易感覺到，但呢o的o野唔會搞我。一定係我夠煞氣，條命夠硬，如果唔係，以前住跑馬地果陣已經唔掂。」阿梅話。

「不過，我自少便與觀音上契，因為小時候身體唔好，至於唸佛經，也一樣是在沒有人影響下自然而為，記得有次開演唱會之前突然心血來潮，感覺想唸經，就此便開始成為習慣。」阿梅信佛，還不時斥資敬印佛經，以便有緣人能得到啟示。

「一點心意，可積善修福。」阿梅說。